ისტორია

2009

ნუტრიმაქსის დაარსება

15 წლის წინ, საქართველოში ფერმერული მეურნეობებისთვის ხარისხიანი კომბინირებული საკვები ხელმისაწვდომი არ იყო. სწორედ ამ დეფიციტის აღმოსაფხვრელად დავისახეთ მიზნად შეგვექმნა კომპანია, რომელიც ფერმერულ მეურნეობებს მაღალი ხარისხის საკვებით მოამარაგებდა.

ვეტერინარებისა და კვების ტექნოლოგების კვალიფიციურმა ჯგუფმა ფერმის ცხოველების უნიკალურ საჭიროებებზე ზრუნვა 2009 წელს დაიწყო.

2013

Trouw Nutrition-თან
პარტნიორობა
და Know-How

ნუტრიმაქსში, ინდუსტრიის წამყვან კომპანიებთან თანამშრომლობა გვეხმარება ვაწარმოოთ მდგრადი, მაღალი ხარისხის პროდუქცია, რომელიც ეფექტურად პასუხობს მომხმარებლის განვითარებად საჭიროებებს.

2013 წელს, კვების ტექნოლოგიიის სფეროს ლიდერ კომპანია Trouw Nutrition-თან გავაფორმეთ Know-How შეთანხმება, რამაც ცოდნისა და გამოცდილების გაზიარების შესაძლებლობა მოგვცა. პარალელურად, აღნიშნულმა, ნუტრიმაქსის თანამშრომლებს ნიდერლანდებში, Trouw Nutrition-ის ოფისებში, საწარმოებსა და კვლევით ცენტრებში გადამზადების შესაძლებლობა მისცა.

2015

დებიუტი
საერთაშორისო
კომერციაში

წლების განმავლობაში დაგროვილი ცოდნისა და გამოცდილების საფუძველზე, წარმოების შესაძლებლობების ახალ საფეხურზე ასაყვანად, გადავწყვიტეთ გავცდენოდით საქართველოს ფარგლებს და საერთაშორისო მასშტაბით გვექცია ბრენდი ხარისხისა და საიმედოობის სიმბოლოდ. თავდაპირველად, კავკასიის რეგიონში, სომხეთში დავიწყეთ ექსპორტი. აქ მაღალი ხარისხის საკვებთან ერთად ტექნოლოგიებსა და ცოდნასთან დაკავშირებული ღირებულებებიც გავავრცელეთ.

2016

პირველი
მაღალტექნოლოგიური
საწარმოს გახსნა

უწყვეტი განვითარების იდეით შთაგონებულებმა, 2016 წელს გავხსენით ამიერკავკასიის რეგიონში პირველი მაღალტექნოლოგიური საწარმო.

კომბინირებული საკვების საწარმოს წლიური წარმადობა დაახლოებით 85 000 ტონა საკვებია ფერმერული მეურნეობის ცხოველებისა და ფრინველებისათვის.

2023

მეორე
მაღალტექნოლოგიური
საწარმოს გახსნა

2023 წელს გავხსენით რიგით მეორე, მაღალტექნოლოგიური საწარმო, რომელიც კომპანიონი ცხოველებისა (ძაღლი და კატა) და აკვაკულტურისათვის ექსტრუდირებული საკვების წარმოებზეა ორიენტირებული. პროექტი მსოფლიოში წამყვანი კომპანიების სპეციალისტთა აქტიური ჩართულობითა და პარტნიორობით განხორციელდა. მაღალი ინდუსტრიული სტანდარტების შესაბამისად შექმნილი ეს საწარმო 25 000 ტონა ექსტრუდირებული საკვების წარმოებაზეა გათვლილი.

2024

კომპეტენტოს შექმნა

ოთხფეხა მეგობრებზე ზრუნვა დიდი პასუხისმგებლობაა და სიყვარულთან ერთად კომპეტენციასაც საჭიროებს. სწორედ ამ იდეით შევქმენით კომპეტენტო – სწორი ცოდნის გამავრცელებელი პირველი ქართული პრემიუმ საკვები კომპანიონი ცხოველებისთვის.

2024

ახალი ბაზრების
ათვისება

დღეს, კომპანიის 100-ზე მეტი პროდუქტი და 6 სხვადასხვა კატეგორიის ბრენდი საქართველოსთან ერთად, სომხეთში, აზერბაიჯანში, უზბეკეთში, ყაზახეთსა და მოლდოვაშია ხელმისაწვდომი.

ამ მიღწევის უკან ნუტრიმაქსის თანამედროვე ცოდნით აღჭურვილი, მაღალკვალიფიციური  თანამშრომლები დგანან.

♾️

საუკეთესო წინაა

ნუტრიმაქსში გვჯერა, რომ წინ ახალი შესაძლებლობებით სავსე დიდი გზაა. აქ უწყვეტი პროგრესის მამოძრავებელ ძალად წარმოების პროცესში ინოვაციური ტექნოლოგიების დანერგვა, პროდუქციის მუდმივი გაუმჯობესება და იმ ადამიანებისთვის მეტი ღირებულების შექმნა მიგვაჩნია, რომელთათვის ნუტრიმაქსი არა მხოლოდ სანდო პარტნიორობასთან, არამედ სტაბილურობასთანაც ასოცირდება.