თხუთმეტი წლის წინ, ფერმერული მეურნეობებისთვის მაღალი ხარისხის საკვების წარმოების მიზნით, პირველი ქართული, მაღალტექნოლოგიური საწარმოს შექმნის იდეა გაჩნდა. ნუტრიმაქსის მისია ფერმერების მხარდაჭერა და სოფლის მეურნეობის პროდუქტიულობის ზრდა იყო.
პროდუქციის მცირე მასშტაბით წარმოება მალევე დაიწყო, დიდი იდეა კი 6 წლის შემდეგ, თანამედროვე სტანდარტებით შექმნილი მაღალტექნოლოგიური საწარმოს გახსნით იქცა რეალობად. ექსპორტის მიზნით, დაახლოებით ამავე პერიოდში გასცდა კომპანიის პირველი სატვირთო მანქანა საქართველოს საზღვრებს და სამშობლოს მიღმა იქცა ქვეყნის დესპანად.
ნუტრიმაქსი წლების განმავლობაში განაგრძობდა ზრდას. მცირე საწარმო მალევე იქცა ინდუსტრიის ლიდერ კომპანიად, ბრენდად, რომელსაც საზოგადოება მაღალი სტანდარტების, ხარისხის, ინოვაციებისა და ცხოველების კეთილდღეობისადმი ერთგულების გამო ენდობა.
2023 წელს, კომპანიამ მეორე საწარმოო ობიექტის გახსნით და პროდუქციის ფართო ასორტიმენტის წარმოების შესაძლებლობით, კიდევ უფრო მეტად გაიმყარა პოზიცია ადგილობრივ ბაზარზე. კომპანიის გაყიდვების არეალი გასამმაგდა და ნუტრიმაქსმა კომპანიონი ცხოველების საკვები ბაზრის 25% დაიკავა.
დღეს, კომპანია საიმედოობასთან, ინოვაციასა და უწყვეტ განვითარებასთან ასოცირდება. ბრენდი 200-ზე მეტ მაღალკვალიფიციურ პროფესიონალს და ასიათასობით კმაყოფილ მომხმარებელს აერთიანებს. ნუტრიმაქსი უფრო მეტია, ვიდრე ბიზნესი – ის სანდო პარტნიორია მათთვის, ვისთვისაც ცხოველების მაღალხარისხიანი საკვებით კვება პრიორიტეტია.
მაღალი ხარისხის დაბალანსებულ საკვებ პროდუქტებზე ხელმისაწვდომობის ზრდასთან ერთად, ფერმერული მეურნეობების მხარდაჭერის მიზნით, ნუტრიმაქსი მომხმარებელს საჭირო ცოდნასაც უზიარებს. საკითხისადმი ამგვარი კომპლექსური მიდგომით, კომპანია ცხოველებზე ზრუნვასთან დაკავშირებული ინფორმირებული გადაწყვეტილებების მიღებაში ეხმარება დაინტერესებულ პირებს.
ნუტრიმაქსში წარმოებული ყოველი პროდუქტი მაღალი ხარისხის ცილებით, აუცილებელი ვიტამინებითა და მინერალებით მდიდრდება, რომ ცხოვრების ყველა ეტაპზე შეუწყოს ხელი შინაური ცხოველების ჯანმრთელობასა და კეთილდღეობას. ნუტრიციოლოგიური საჭიროებების დასაკმაყოფილებლად და კვების ექსკლუზიური ფორმულების შესაქმნელად, კომპანია ვეტერინარებთან და შინაური ცხოველების კვების ექსპერტებთან თანამშრომლობს. უსაფრთხოების მიზნით, წარმოების პროცესში გამოყენებული ნედლეული მკაცრ ლაბორატორიულ კონტროლს გადის.
ნუტრიმაქსი ამჟამად გთავაზობთ:
- სპეციალურად ფერმერული მეურნეობებისთვის შექმნილ 100-ზე მეტ პროდუქტს.
- კომპანიონი ცხოველებისთვის ფორმულირებული საკვების 6 სპეციალიზებულ ბრენდს, რომელიც სრულფასოვნად აკმაყოფილებს შინაური ცხოველების ნუტრიციოლოგიურ საჭიროებებს.
- აკვაკულტურის კვებასთან დაკავშირებულ ინიციატივებს, რაც ინდუსტრიის მდგრად განვითარებას უზრუნველყოფს.
ნუტრიმაქსი ლიდერ კომპანიად მოწინავე ტექნოლოგიებმა, ცხოველთა კვებისადმი პროფესიონალურმა მიდგომამ და ხარისხისადმი ურყევმა ერთგულებამ აქცია. მომხმარებელთა ნდობა და მხარდაჭერა კომპანიის ისტორიის განუყოფელი ნაწილია.
ნუტრიმაქსი 15 წლისაა. წინ დიდი მიზნები და განვითარების ახალი შესაძლებლობებით სავსე საინტერესო გზაა – კომპანიაში მსხვილი ინვესტიციების განხორციელებას, ახალი რეგიონების ათვისებასა და პროდუქციის გამრავალფეროვნებას გეგმავენ.
