ნუტრიმაქსმა სომხურ კომპანია SmartAgro-სთან სტრატეგიული პარტნიორობის შეთანხმება გააფორმა. ხელმოწერის ოფიციალური ცერემონია გაიმართა Partner Forum 2026-ის ფარგლებში, 8 ივლისს, ერევანში.
შეთანხმების ფარგლებში, SmartAgro ნუტრიმაქსის ოფიციალური დისტრიბუტორი გახდა სომხეთში და ადგილობრივ ფერმერებს კომპანიის მაღალხარისხიან საკვებს მიაწვდის.
ეს პარტნიორობა ჩვენი მრავალწლიანი თანამშრომლობის ბუნებრივი გაგრძელებაა. ათ წელზე მეტი ხნის განმავლობაში დაგროვებულმა გამოცდილებამ და ურთიერთნდობამ საფუძველი ჩაუყარა თანამშრომლობის ახალ ეტაპს, რომლის მიზანია სომხეთის ფერმერებისთვის თანამედროვე კვებითი გადაწყვეტილებების, პროფესიული ტექნიკური მხარდაჭერისა და სტაბილური მიწოდების უზრუნველყოფა.
ნუტრიმაქსი და SmartAgro ერთობლივად იმუშავებენ ფერმერული მეურნეობების პროდუქტიულობისა და მომგებიანობის ზრდაზე. ამ მიზნით განსაკუთრებული ყურადღება დაეთმობა ცოდნის გაზიარებას, თანამედროვე კვებით პროგრამებს, საკვების ეფექტიან გამოყენებას (FCR) და ფერმერებისთვის პრაქტიკული ტექნიკური მხარდაჭერის გაძლიერებას.
გვჯერა, რომ ძლიერი პარტნიორობა, ინოვაციური მიდგომები და ადგილობრივ ბაზარზე ორიენტირებული თანამშრომლობა მნიშვნელოვან წვლილს შეიტანს სომხეთის აგროსექტორის მდგრად განვითარებაში.
